Agim Ademi në mbrëmjen e “The Best”, do të takohet me zyrtarë të FIFA-s për lojtarin që po e dëshiron Kosovën

Presidenti Agim Ademi po qëndron në Milano, ku do të marrë pjesë në ceremoninë “The Best FIFA Football Awards” me ftesë të presidentit të FIFA-s, Gianni Infantino.

Kjo mbrëmje GALA mbahet sonte në orën 20:30 në shtëpinë e Operas në Milano, me mysafirë të shumtë nga bota e futbollit.

Përveç pjesëmarrjes në këtë ceremoni presidenti Ademi, sot dhe nesër, do të ketë takime me zyrtarët e sektorëve të ndryshëm të FIFA-s, derisa njëra ndër çështjet që do të diskutohet do të jetë edhe ajo e Loret Sadikut, për të parë se si ka shkuar procesi i deritashëm dhe ku ka ngecur puna.