Bahtiri merr pjesë në protesten kundër rritjes së rasteve të ngacmimeve seksuale, në Mitrovicë

“Vajzat e Mitrovicës” sot kanë organizuar një protestë paqësore pas ngacmimeve seksuale që kanë ndodhur gjatë javëve të fundit në Mitrovicë.

Kësaj proteste i është bashkuar edhe kryetari i komunës, Agim Bahtiri, i cili ka përkrahur iniciativën dhe protestën e organizuar kundër kësaj dukurie negative në qytetin tonë.

Me këtë rast, kryetari Bahtiri në fjalën e tij theksoi se i mbështet dhe do të jetë pjesëmarrës çdo herë kur organizohen aktivitete të tilla, që kanë për qëllim eliminimin e dukurive negative në Mitrovicë, veçmas ndaj ngacmimeve seksuale të cilat duhet të marrin dënimin e merituar nga organet e rendit dhe ligjit.

Gjithashtu kryetari Bahtiri tha se për këto dukuri që kanë ndodhur ka reaguar menjëherë përmes institucioneve përgjegjëse, duke u përkujdesur që kryerësit e këtyre veprave t’u shqiptohet dënimi i merituar.

Vlen të potencohet se kjo protestë ka filluar para objektit të Komunës së Mitrovicës, duke vazhduar te gjykata dhe zgjati përafërsisht një orë.