Agjenti me origjinë shqiptare e di se ku është më mirë për Koulibalyn, nis bisedimet me klubin gjerman
Skuadra e Bayern Munchenit shihet si favorite për t’i siguruar shërbimet e mbrojtësit Koulibaly.
Sipas mediave në Itali, agjenti shqiptar Fali Ramadani, ka nisur disa bisedime me pronarin e Napolit, De Laurentiis për të ardhmen e lojtarit, Kalidou Koulibaly.
Ashtu siç u raportua, është skuadra e Bayernit që mund t’i sigurojë shërbimet e lojtarit me shumën prej 45 milionë euro.
Kjo shifër nuk do t’i pëlqejë De Laurentiisit, pasi në vitin 2018, ky i fundit ia kërkoi plot 100 milionë euro skuadrës së Manchester Cityt.
Kontrata e Koulibalyt i skadon gjatë vitit 2023.
Kujtojmë se Ramadani është agjent edhe i trajnerit, Maurzio Sarri./IndeksOnline/