Agron Canolli më i votuari në Listën e PDK-së në Prishtinë, mbi 1 mijë e 100 vota

Kandidati për Kuvendin komunal të Prishtinës, Agron Canolli nga radhët e PDK-së është renditur më i votuari në listën e udhëhequr nga Uran Ismaili.

Canolli ka marrë 1 mijë e 140 vota duke u renditur ndër më të votuarit nga të gjitha listat për Kuvendin komunal të Prishtinës.

Canolli që mbante numrin 14 në garën për Kuvendin komunal ka shkruar se ky është vetëm fillimi i një angazhimi edhe më të madh për ta bërë Prishtinën një vend më të mirë për të gjithë.

“Mbi 1100 vota besimi dhe të jem kandidati më i votuar për Kuvend komunal në Prishtinë nga lista e PDK-së, është nderi më i madh që kam marrë ndonjëherë. Ky rezultat është fitorja e secilit prej jush, e atyre që më besuan, më mbështetën, më inkurajuan e më qëndruan afër në çdo hap të këtij rrugëtimi. Faleminderit për çdo fjalë të mirë, çdo takim, çdo mesazh dhe çdo vote”, ka shkruar ndër të tjera ai.