Ahmeti nënshkruan vendimin për shkallën e gatishmërisë emergjente, në nivel komune
Kryetari i komunës së Prishtinës Shpend Ahmeti, përmes një postimi të bërë në Facebook, ka bërë të ditur se sot ka nënshkruar vendimin përmes së cilës ngritet shkalla e gatishmërisë emergjente në nivel Komune.
“Përmes këtij vendimi mobilizohet struktura e sistemit të mbrojtjes, shpëtimit, prokurimit, ndihmës dhe shërbimeve të tjera emergjente, të cilat do të koordinojnë, planifikojnë dhe zbatojnë të gjitha masat mbrojtëse për parandalimin e përhapjes së COVID-19.
Me kujdesin maksimal për veten dhe të tjerët, bashkë do t’ia dalim edhe në këtë sfidë”, thuhet në njoftim./Indeksonline