Ahmeti: Shifrat e fundit janë alarmante, e kemi obligim të ruajmë veten dhe të tjerët
Kryetari i Prishtinës, Shpend Ahmeti ka deklaruar se shifrat e fundit të rasteve të reja me COVID-19 janë alarmante dhe shqetësuese.
Ahmeti ka lutur qytetarët që bashkë të vazhdojnë me kujdes të shtuar, në mënyrë që të parandalohet përhapja e mëtutjeshme dhe rëndimi i situatës edhe më shumë, transmeton Indeksonline.
Numri një i Prishtinës porositi që të barten maskat, të dezinfektohen duart dhe të mbahet distanca.
Prishtina është komuna me më së shumti të infektuar në gjithë Kosovën.
Postimi i plotë:
Mirëdita Prishtinë,
Shifrat e fundit të rasteve të reja me #covid19 janë alarmante dhe shqetësuese!
Ju lusim shumë që bashkë të vazhdojmë me kujdes të shtuar, në mënyrë që të parandalojmë përhapjen e mëtutjeshme dhe rëndimin e situatës edhe më shumë.
Të gjithë e kemi obligim që të ruajmë veten dhe të tjerët rreth nesh e të jemi të ndërgjegjshëm.
Sepse vetëm #bashkë mund të e tejkalojmë këtë sfidë!
Vazhdoni t’i mbani maskat, dezinfektoni duart dhe mbani distancë!