Ahmeti, Sveçlës: S’ke nevojë me dërgu listën e Krivaçës, shpejtësia e kapjes nga Policia është për tu përshëndetur!

Kryetari i Prishtinës, Shpend Ahmeti është përfshirë në debatin në mes të Prokurorisë së Shtetit  dhe ministrit të Punëve të Brendshme, Xhelal Sveçla.

Sipas tij, ky i fundit nuk duhet të merret vazhdimisht me rastin e Dardan Krivaqës, mirëpo edhe me rastet e tjera.

“Familjes së Marigonës fare pak ju intereson tashmë numri i veprave të Krivaqes. Por të gjithë neve na intereson që ajo që i ka ndodh Marigonës mos ti ndodh askujt në Kosovë”, ka shkruar ai.

Postimi i plotë:

Ministri Sveçla duke i raguar prokurorisë dhe gjykatës në Ferizaj është çuditur se si ata nuk e dijnë që Dardan Krivaqa i ka 136 raste në Polici dhe ju ka ofruar listën e tyre.

Një pjesë edhe pajtohem me Xhelalin në atë çka ka thënë, se me qenë të kënaqur qytetarët me gjykata nuk do të ju votonin. 

Xhelal – s’ke nevojë me dërgu listën e Krivaçës.  Ai është në burg dhe shpejtësia e kapjes nga Policia është për tu përshëndetur.

Identifikoni kush tjetër në Kosovë ka 136 vepra dhe sorollatet i lirë.  Identifikoni burrat që kanë raste të shumta të kanosjes dhe rrahjes së grave të tyre .  Ndalni ato që ende skanë ndodhur, mos u arsyetoni për ato që tashmë kanë ndodhur.

Familjes së Marigonës fare pak ju intereson tashmë numri i veprave të Krivaqes. Por të gjithë neve na intereson që ajo që i ka ndodh Marigonës mos ti ndodh askujt në Kosovë.