“Ahmetoviq, ke 12 orë kohë”, ndjekësit të revoltuar pas bullizimeve ndaj Mimozës

Reality show “Ferma VIP” po kalon një nga momentet më të tensionuara, teksa marrëdhëniet mes banorëve janë përkeqësuar ndjeshëm ditët e fundit, transmeton IndeksOnline.

Në fokus të debatit është vënë Adioni, i cili ka nxitur reagime të shumta në rrjetet sociale për mënyrën se si iu drejtua poetes Mimoza Ahmeti. Një koment i tij, ku ai e quajti “Ahmetoviq” dhe vuri në dukje prejardhjen e mbiemrit të tij si “shqiptar”, është cilësuar nga publiku si fyes dhe i papërshtatshëm.

Situata u përshkallëzua më tej gjatë një përballjeje direkte mes tyre. Adioni përdori tone kërcënuese në kuadër të lojës, duke deklaruar se do ta nxjerrë jashtë brenda një afati të shkurtër. “O unë, o ti”, ishte mesazhi i tij, i cili vetëm sa shtoi më shumë tensionin në ambient.

@big_brother.daily #ferma #mimozaahmeti #shqiptar #uck #kosova ♬ original sound – 𝔹𝕚𝕘𝔹𝕣𝕠𝕥𝕙𝕖𝕣𝔻𝕒𝕚𝕝𝕪

Ndërkohë, edhe Fabiola është bërë pjesë e kësaj dinamike. Në një bisedë me banorë të tjerë, ajo sugjeroi se prania e Ilir Shaqirit po ndikon që situata të mos përshkallëzohet më tej ndaj Mimoza Ahmetit, duke lënë të kuptohet se gjërat mund të kishin marrë një drejtim tjetër në mungesë të tij.

Reagimet e publikut kanë qenë të menjëhershme, me shumë ndjekës që i kanë cilësuar këto sjellje si bullizim dhe presion të panevojshëm ndaj poetes.

Tashmë mbetet për t’u parë nëse produksioni apo vetë banorët do të ndërhyjnë për të ulur tensionet dhe për të rikthyer një klimë më të qetë në fermë.