“Ai nuk di të flasë!”, si u mundua Messi ta shpëtonte Dembelen nga kartoni i kuq
Lionel Messi ka tentuar ta shpëtonte Ousmane Dembelen nga kartoni i kuq në fitoren 4:0 ndaj Sevillës në fundjavën e kaluar.
Sulmuesi francez u ndëshkua me kartonin e parë të verdhë në minutën e 53-të, derisa në të 88-n, pranoi edhe të dytin, për t’u përjashtuar nga loja.
Mateu Lahoz nuk e fali Dembelen edhe pse pesë herë fituesi i Topit të Artë tentoi që ta zbuste qëndrimin e gjyqtarit.
“Ai nuk di të flasë, nuk di të flasë!”, i ka thënë Messi gjyqtarit Lahoz për të mos e ndëshkuar francezin me kartonin e dytë të verdhë.
Pique më pas iu afrua gjyqtarit se ishte një vendim i keq dhe nuk duhej ta bënte atë.
“Më dëgjoni, ishte një vendim shumë i keq, shumë i keq!”, ishte reagimi i mbrojtësit. Gjyqtari më pas ia ktheu: “Jo, nuk ishte aq i keq!”.