Aksident i rëndë në Banjë të Pejës, tre persona të lënduar

Një aksident trafiku ka ndodhur në Banjë të Pejës, ku janë përfshirë dy vetura.

Sipas zëdhënësit të Policisë për rajonin e Pejës, Fadil Gashi, aksidenti është raportuar rreth orës 12:00.

Si pasojë e përplasjes, tre persona kanë pësuar lëndime trupore. Të lënduarit janë dërguar për trajtim mjekësor dhe aktualisht janë duke u trajtuar në emergjencën e Spitalit të Pejës.

Policia ka dalë në vendin e ngjarjes dhe është duke u marrë me rastin, ndërsa hetimet për shkaqet e aksidentit janë në vazhdim.