Aksident mes autobusit dhe multikultivatorit afër Istogut, një person i lënduar (Video)

Një aksident trafiku ka ndodhur mesditën e sotme në Cërrcë të Istogut. Në aksident janë përfshirë autobus dhe një multikultivator.

Lexuesit e IndeksOnline kanë dërguar video nga ky rast.

Lëndime trupore ka pësuar vozitësi i multikultivatorit dhe i njëjti është dërguar për trajtim mjekësor.

Aksidentin e ka konfirmuar edhe policia rajonale e Pejës.

“Rreth orës 12:15, policia është njoftu për një askdient në fshatin Cërrcë komuna e Istogut. Aksidenti ka ndodhur mes një autobusi dhe multikultivatori, lëndime trupore ka pësuar vozitësi i multikultivatorit dhe është dërgur për trajtim mjekësor”, thuhet në njoftimin e policisë./IndeksOnline/