Aksident në Sibovc të Podujevës, lëndohen pesë persona

Një aksident trafiku ka ndodhur gjatë ditës së sotme në fshatin Sibovc të Podujevës.

Në lidhje me këtë rast zëdhënësja e Policisë për Rajonin e Prishtinës, Flora Ahmeti ka bërë të ditur për IndeksOnline se në aksident ishin të përfshirë dy vetura si pasojë e të cilit pesë persona kanë pësuar lëndime.

Ajo tutje ka theksuar se të lënduarit janë dërguar për trajtim mjekësor.

“Sot rreth orës 12:00 në fshatin Sibovc të Podujevës, ka ndodhë një aksident trafiku, ku janë përfshirë dy automjete.

Si pasojë e aksidentit pesë persona  kanë pësuar lëndime trupore. Personat e lënduar janë  dërguar  për trajtimin e nevojshëm mjekësor.

Njësia rajonale e trafikut ka dalë në vendin e ngjarjes dhe ka nisur një hetim për zbardhjen e shkaqeve të këtij aksidenti”, ka theksuar Ahmeti për IndeksOnline.

Foto ilustrim