Aksident trafiku Lipjan, vdes një 71-vjeçar
![](https://indeksonline.net/wp-content/uploads/2023/12/aksion-policia-njesia-speciale-hetim.jpg)
Një aksident trafiku ka ndodhur sot rreth orës 14:00 në rrugën “Ibrahim Rugova” në Lipjan.
Këtë për Indeksonline e ka konfirmuar zëdhëndës polici për rajonin e Prishtinës, Agron Borovci, ka treguar se në aksident janë përfshirë një veture dhe një kamion ku si pasojë ka humbur jetën një 71-vjeçar.
Borovci tutje njoftoi se shoferi i kamionit është dërguar në mbajtje për 48 orë.
“Rreth orës 14:00, është pranuar informata për një aksident trafiku rrugor të ndodhur në rrugën “Ibrahim Rugova” në Lipjan.
Nga informatat e para është bërë e ditur se në aksident janë përfshirë një veturë dhe një kamion dhe për pasojë një person, mashkull, 71 vjeç, ka humbur jetën.
Përderisa policia ka dalë në vendin e ngjarjes dhe ka nisur punën për hetimin e shkaqeve që kanë sjellë deri te aksidenti, me urdhër të prokurorit të shtetit vozitësi i kamionit është dërguar në mbajtje prej 48 orësh”, ka thënë Borovci për Indeksonline./Indeksonline/