Aksidenti në rrugën Llapnasellë-Graçanicë, vdes në QKUK njëri nga të lënduarit
Një person i aksidentuar të mërkurën në rrugën Llapnasellë-Graçanicë, ka vdekur dje në Qendrën Klinike Universitare të Kosovës, raporton IndeksOnline.
Vdekja e viktimës, mashkull, është regjistruar të enjten rreth orës 10:00 ndërsa trupi i pajetë i tij është dërguar në Institutin e Mjekësisë Ligjore për Obduksion.
Aksidenti kishte ndodhur mes dy automjeteve, me ngasës meshkuj kosovar. Si pasojë e aksidentit lëndime trupore kishin pësuar dy drejtuesit dhe një pasagjere, të cilët kanë pranuar tretman mjekësor./IndeksOnline/