Aktori i njohur flet për çrregullimin prej të cilit humbi shikimin, dëgjimin dhe aftësinë për të ecur

Ashton Kutcher zbuloi se një çrregullim autoimun e la atë pa aftësinë për të parë, dëgjuar apo ecur.

“Dy vjet më parë, unë pata këtë formë të çuditshme, super të rrallë të vaskulitit që, më prishi shikimin, dëgjimin, rrëzoi të gjithë ekuilibrin tim,” tha Kutcher, 44 vjeç, në një teaser të reality-t “Running Wild with Bear Grylls: The Challenge”.

Aktori tha se atij iu desh rreth një vit për të rindërtuar çdo humbje.

Vaskuliti është një çrregullim autoimun shumë i rrallë që mund të shkaktojë inflamacion të enëve të gjakut, duke rezultuar në qarkullim të kufizuar të gjakut. 

“Vërtetë që ne nuk e vlerësojmë diçka, derisa na zhduket. Nuk e dija nëse do isha në gjendje të shihja përsëri, të dëgjoja apo të ecja prapë. Jam me fat që jam gjallë.”

Tani i rikuperuar plotësisht nga frika e tij e tmerrshme shëndetësore, aktori i “No Strings Attached” tha se nuk lejon që asnjë sfidë të qëndrojë në rrugën e tij të suksesit.

“Në momentin kur filloni t’i shihni pengesat tuaja si gjëra që janë krijuar për ju, për t’ju dhënë atë që ju nevojitet, atëherë jeta fillon të duket argëtuese, apo jo?” tha Kutcher, i cili ka dy fëmijë me bashkëshorten Mila Kunis. “Ju filloni të bëni sërf mbi problemet tuaja në vend që të jetoni nën to.”

Qasje interesante dhe shpresëdhënëse ndaj vështirësive të jetës, që dukshëm janë të pashmangshme, edhe nëse je i famshëm, i suksesshëm dhe i pasur.