Aktori kërcënon humoristin: Po të mos kishte kamera, do të të thyeja qafën
Aktori Alec Baldwin përjetoi një situatë mjaft të sikletshme kur një komedian e tallte atë para shtëpisë së tij për një tragjedi në xhirimet e filmit Rust, ku u vra një kameramane.
Në një përplasje të tensionuar, Baldwin kërcënoi se do t’i thyente qafën, transmeton Indeksonline.
Jason Scoop, i cili imitoi Donald Trumpin në një video të shpërndarë në rrjetet sociale, filloi të provokonte aktorin teksa shkarkonte bagazhin nga makina e tij përpara shtëpisë së tij në Nju Jork.
“Alec, ky është presidenti yt i preferuar!” bërtiti Scoop, duke aluduar në imitimin e famshëm të Baldwin të Trump në Saturday Night Live.
Më pas ai vazhdoi për të imituar zërin e Trumpit: “Shiko, Alec, unë do të të kërkoj falje sepse dua që ne të jemi miq, apo jo? Unë dua që ne të jemi miq. Unë do të të fal për vrasjen e asaj gruaje – nëse puth unazën.”
Më pas Scoop mbajti një unazë të madhe dhe vazhdimisht i kërkoi Baldwin-it ta puthte atë. “Nëse nuk dëshiron falje sepse e vrave atë grua me gjakftohtësi mund ta quash vrasje të shkallës së parë, mund ta quash si të duash, por nuk ishte mirë. Ajo po më shikon nga lart tani, duke buzëqeshur, e lumtur dhe duke thënë, ‘Faleminderit që u përballët me njeriun që më vrau'”, vazhdoi ai duke folur në stilin Trumpian./Indeksonline/
