Alarm në Gjermani, sektori i automobilave shkurtoi 51.500 vende pune brenda një viti

Sektori industrial gjerman po zvogëlon me shpejtësi vendet e punës, me industrinë e automobilave.

Brenda një viti, sektori i automobilave eliminoi rreth 51.500 vende pune, ose pothuajse shtatë për qind të fuqisë punëtore, sipas një analize në të cilën agjencia DPA kishte qasje.

Në 12 muajt deri më 30 qershor, i gjithë sektori industrial pa një rënie prej 2.1 për qind të vendeve të punës, ose rreth 114.000 në 5.42 milionë, sipas EY-së, duke cituar statistikat zyrtare. Që nga viti 2019, numri i vendeve të punës në industrinë vendëse ka rënë me rreth 245,000, ose 4.3 për qind.

Ky proces shoqërohet me një rënie të të ardhurave në sektor. Në tremujorin e dytë, të ardhurat ranë për të tetin tremujor radhazi, tani me 2.1 për qind. Të gjithë sektorët industrialë, përveç elektronikës, shënuan një rezultat negativ.

Industria e automobilave po përballet me kërkesë të dobët, konkurrencë kineze dhe një transicion të ngadaltë drejt lëvizshmërisë elektrike. Të ardhurat në sektor ranë me 1.6 për qind në periudhën prill-qershor.

Kompani të mëdha si Mercedes, Volkswagen, Bosch, Continental dhe ZF kanë njoftuar programe për uljen e kostove, ndërsa Porsche planifikon të mbyllë plotësisht Cellforce, degën e saj të prodhimit të baterive./Indeksonline/