Alarm në SHBA, autoritetet evakuojnë aeroportin e Kansasit, dyshohet për rrezik brenda ndërtesës
Autoritetet evakuuan Aeroportin Ndërkombëtar të Kansas Cityt në SHBA të dielën pas raportimeve për një “kërcënim të mundshëm” brenda ndërtesës.
Menjëherë pas orës 6 pasdite, të gjitha nisjet nga aeroporti në Midwest të SHBA-së u ndaluan, ndërsa pasagjerët u panë dukshëm të shqetësuar, duke zvarritur bagazhet e tyre jashtë aeroportit dhe në pistë.
FBI është në vendngjarje, ndërsa deri më tani nuk dihet se çfarë natyre kishte kërcënimi.
🚨 DEVELOPING: A serious incident at Kansas City International Airport prompted a full ground stop and the evacuation of passengers and staff, though the cause remains unknown.
— Breaking911 (@Breaking911) March 8, 2026
pic.twitter.com/wyqKtiVG9b
Departamenti i Aviacionit i Kansas Cityt i tha Daily Mail: “Departamenti i Aviacionit i Kansas Cityt është në dijeni të një situate në Aeroportin Ndërkombëtar të Kansas Cityt (KCI)”.
“Si masë paraprake, departamenti ka evakuuar pjesë të terminalit të aeroportit. Policia e Aeroportit po punon me FBI-në për të përcaktuar çdo kërcënim të mundshëm”, thuhej në deklaratën e aeroportit.
Një zëdhënës i KCI i tha Fox 4 KC News se fluturimet që shkojnë në aeroport ende po ulen, por nuk lejohen nisje.
Ndërkohë, qindra udhëtarë postuan video dhe mesazhe në mediat sociale për atë që po ndodhte në aeroport, me disa që pretendonin se qentë që nuhasnin bomba po kryenin kontrolle në terminal dhe në korridore.
