”Alarmohet” Real Madridi, Hazard tregon se mund të largohet nga Chelsea

Eden Hazard vazhdon të jetë i lidhur me një kalim te Real Madridi dhe derisa ai e ka filluar mbarë sezonin me Chelsean, bisedimet për kontratën e tij kanë ngecur.

Në një intervistë për Canal+ France, ai ka folur në lidhje me mundësinë e largimit eventual nëse nuk e rinovon kontratën me Chelsean.

”Në janar, unë do ta kem edhe një vit në kontratën time”, tha Hazard, transmeton IndeksOnline.

”Por, nëse unë nuk rinovoj, një largim është i mundshëm. Verën e ardhshme, kjo mund të ndodhë, por gjithashtu ka mundësi që unë të qëndroj te Chelsea në pjesën e mbetur të karrierës sime”.

Megjithatë, ish-anëtari i Chelseat e ka përjashtuar mundësinë e largimit në afatin kalimtar dimëror.

”Nuk e shoh veten duke u larguar nga Chelsea në janar. Nuk mund t’ja bëj këtë klubit apo tifozëve”, shtoi belgu./IndeksOnline/