Alarmuese, oqeanet e tokës po marrin nxehtësi më shumë se që parashikohej më parë

Oqeanet e Tokës po thithin më shumë nxehtësi se sa mendohet më parë dhe kjo mund të nënkuptojë se bota ka më pak kohë për të trajtuar ndryshimet klimatike.

Një studim tregon se detet kanë absorbuar 60 për qind më shumë nxehtësi gjatë 25 viteve të fundit sa shkencëtarët kishin vlerësuar.

Kjo do të thotë se Toka është më e ndjeshme ndaj emetimeve të karburanteve fosile dhe mund të vendoset të ngrohë edhe më shpejt se sa parashikohej në vitet në vijim, shkruan ‘Daily Mail’, transmeton Indeksonline.

Hulumtuesit paralajmëruan se do të marrë një veprim të paprecedent nga udhëheqësit globalë gjatë dekadës së ardhshme për të mbajtur rritjen mesatare të temperaturës së Tokës nën 2C (3.6F), qëllimi kryesor i përcaktuar nga Marrëveshja Ndërkombëtare e Klimës së Parisit.

Vlerësimi i fundit nga Paneli Ndërqeveritar për Ndryshimet Klimatike (IPCC) deklaroi se oqeanet e botës kanë marrë mbi 90 përqind të nxehtësisë së tepërt të bllokuar nga gazrat me efekt serrë.

Marrëveshja e Parisit, e cila u nënshkrua për herë të parë në 2015, është një marrëveshje ndërkombëtare për të kontrolluar dhe kufizuar ndryshimet klimatike./Indeksonline/