Ambasada amerikane në Shqipëri mesazh për qytetarët: Refuzojeni dhunën

Ambasada e ShBA-ve në Shqipëri ka lëshuar një komunikatë për gjendjen aktuale politike në vend.

Ata kanë thënë se ShBA-të duan atë që e meriton populli shqiptar, sundim të ligjit  që mbron punonjësit civil dhe shkollat nga sulmet.

Ambasada ka dërguar mesazh për qytetarët që të populli ta refuzoj dhunën, transmeton Indeksonline.  

Më poshtë gjeni komunikatën e plotë të ambasadës së ShBA-ve në Shqipëri:

“Shtetet e Bashkuara duan atë që meriton populli shqiptar: sundim të ligjit që mbron punonjësit civilë dhe shkollat nga sulmet e pakuptimta, që mbron integritetin dhe sigurinë e procesit zgjedhor, dhe që mban premtimin e së drejtës së qytetarit për të protestuar paqësisht ndërkohë që bën që ata që përfshihen në dhunë të mbajnë përgjegjësi. Nxisim të gjithë qytetarët dhe të gjitha institucionet kudo në Shqipëri që të mbështesin parimet e sundimit të ligjit, të refuzojnë dhunën në të gjitha format e saj, si dhe të ushtrojnë paqësisht të drejtat e tyre demokratike ndërkohë që lejojnë bashkëqytetarët e tyre të bëjnë të njëjtën gjë. Po ashtu, iu bëjmë thirrje organizatorëve të protestës së nesërme që të mbajnë përgjegjësi përballë po të njëjtave parime, t’iu bëjnë thirrje publikisht mbështetësve të tyre të mblidhen paqësisht si dhe të refuzojnë energjikisht dhunën në çdo mundësi.”, shkruhej në komunikatë./Indeksonline/