Ambasada italiane, për Amir Rrahmanin: Histori lidhjeje mes dy vendeve tona

Kapiteni i Kombëtares së Kosovës, njëherazi edhe lojtar i Napolit, Amir Rrahmani, mbrëmë u prit me festë në Ambasadën e Italisë në Kosovë.

Mes shumë miqve, stafit të Ambasadës dhe pjesëtarëve të KFOR-it, figura e Rrahmanit u ngrit lart në bisedat dhe pikëpamjet që u shkëmbyen, shkruan IndeksOnline.

Historia e Rrahmanit, sipas Ambasadës italiane, është histori talenti, përkushtimi dhe lidhjeje mes Kosovës dhe Italisë.

“Një mbrëmje e veçantë në Ambasadë me Amir Rrahmanin. Ne shënuam suksesin e tij në Serie A me Napolin. Një histori talenti, përkushtimi dhe lidhjeje midis dy vendeve tona. Urime, Amir!” thuhet në postimin e Ambasadës./IndeksOnline/