Ambasadori britanik Hargreaves me vlerësime të larta për Lladrovcin

Ambasadori britanik, Jonathan Hargreaves, ka vizituar komunën e Drenasit, ku është pritur nga kryetari Lladrovci. Ai, po ashtu, ka vizituar Qendrën për Promovimin për të Drejtat e Grave.

“Ishte kënaqësi të dëgjosh nga kryetari Ramiz Lladrovci se Drenasi, tash e shumë vite, njihet si një ndër komunat me performancën më të mirë, përfituese e granteve të performancës”, ka shkruar ai.

Postimi i z. Hargreaves:

I lumtur që sot vizitova Komunën e Drenasit. Ishte kënaqësi të dëgjosh nga kryetari Ramiz Lladrovci se Drenasi, tash e shumë vite, njihet si një ndër komunat me performancën më të mirë, përfituese e granteve të performancës. Dhe ishte e rëndësishme të dëgjonim se disa nga prioritetet kryesore të Kryetarit të Bashkisë ishin mjedisore: përmirësimi i menaxhimit të mbetjeve, adresimi i skrapit të makinave të vjetra dhe sigurimi i furnizimit me ujë të besueshëm.

Gjithashtu u gëzova që takova Kadire Tahiraj, drejtoreshë e Qendrës për Promovimin e të Drejtave të Grave. Urime atyre për godinën e re të ofruar nga bashkia, dhe për gamën e gjerë të shërbimeve dhe mundësive që ato ofrojnë për gratë e zonës – nga zgjerimi i aftësive në kthimin e tyre në punë fitimprurëse, si qepja dhe prodhimi i çantave. Frymëzuese për të parë një përkushtim të tillë për fuqizimin e grave dhe forcimin e komunitetit.