Ambasadori britanik viziton KQZ-në
Ambasadori britanik në Kosovë, Jonathan Hargreaves, vizitoi sot Komisionin Qendror të Zgjedhjeve.
Gjatë takimit, Hargreaves dhe kryesuesi i KQZ-së, Kreshnik Radoniqi, biseduan rreth aktiviteteve që aktualisht është duke i zhvilluar ky Komision.
“Radoniqi njoftoi ambasadorin britanik se KQZ në Qendrat Komunale të Numërimit është duke bërë numërimin e votave të kandidatëve për deputetë dhe se në pjesën më të madhe të komunave ky proces ka përfunduar.
Gjithashtu, Radoniqi e informoi ambasadorin britanik edhe për proceset tjera që po kryhen nga KQZ siç është vlerësimi i pakove me fletëvotime nga votimi jashtë Kosovës, respektivisht votimi përmes postës”, thuhet në njoftimin e KQZ-së.
Në anën tjetër, ambasadori britanik u shpreh i lumtur me takimin, duke thënë e Radoniqin e përgëzoi për mbarëvajtjen e procesit zgjedhor të 9 shkurtit, si dhe për përpjekjet e Komisionit për të siguruar që proceset e mbetura të kryhen shpejt dhe me transparencë./IndeksOnline/
Today I met Kreshnik Radoniqi, Chair of 🇽🇰 Central Electoral Commission. I congratulated him on the smooth & peaceful proceedings of the elections on 9 February, as well as the Commission’s efforts to ensure that the remaining processes are carried out quickly and transparently. pic.twitter.com/3eJoJ0w3Th
— Jonathan Hargreaves (@jonhargreaves67) February 18, 2025
