Ambasadori gjerman: Absurde të përshkallëzohet situata për targat, ka më tepër nevojë për burrështetas

Ambasadori i Gjermanisë në Kosovë, Jorn Rohde tha se është absurde që të rrezikohet përshkallëzimi i situatës për shkak të targave, derisa u shpreh se ka më tepër nevojë për burrështetas.

Kështu reagoi ai në “tweet-in” e ambasadorit amerikan ku kërkoi nga Kurti ta shtyjë për 48 orët e ardhshme zbatimin e vendimit për gjobitjen e targave ilegale, raporton Indeksonline.

“Mirë që kemi më tepër kohë për të punuar me palët e interesuar për gjetjen e zgjidhjes. E përsëris, është absurde të rrezikohet përshkallëzimi për targat”, shkroi ai.