Ambasadori italian përgëzon Kuvendin e Kosovës, për ndryshimin kushtetues

Më 93 vota për, asnjë kundër dhe asnjë abstenim, unanimisht para katër ditësh, deputetët e Republikës së Kosovës e bënë pjesë të Kushtetutës, Konventën e Këshillit të Evropës për parandalimin dhe luftimin e dhunës ndaj grave (Konventa e Stambollit).

Këtë ndryshim kushtetues nga Kuvendi, e përshëndeti ambasadori Italian në Kosovë, Nicola Orlando, transmeton Indeksonline.

Ai ka shkruar një status në Twitter, te postimi i kryeparlamentares Osmani ku shkruan:

“Me kënaqësi bashkohem me kolegët e mi ndërkombëtarë për të përgëzuar ngrohtësisht popullin e #Kosovës për miratimin unanim të ndryshimit kushtetues nga Kuvendi, që përfshinë Konventën e Këshillit të #Evropës për parandalimin dhe luftimin e dhunës ndaj grave. Kjo është mënyra”./Indeksonline