Amerika ka gati pasaportën me foton e Trump

Departamenti i Shtetit po publikon një pasaportë amerikane me edicion të kufizuar për të shënuar 250-vjetorin e Amerikës dhe dokumenti do të përmbajë imazhin dhe firmën e presidentit Donald Trump në kopertinën e brendshme.

Kështu ka konfirmuar një zyrtar i Shtëpisë së Bardhë dhe një burim i njohur me këtë veprim.

Faqja e brendshme do të paraqesë portretin e Trump mbi një imazh të stilizuar të Deklaratës së Pavarësisë, sipas maketeve të postuara në mediat sociale nga Departamenti i Shtetit, shkruan abc.

Zëdhënësi i Departamentit të Shtetit, Tommy Pigott, tha në një postim në rrjetet sociale se departamenti do të “publikojë një numër të kufizuar” të pasaportave të dizajnuara posaçërisht.