Amsterdami ndalon për turistë Distriktin e Dritave të Kuqe

Amsterdami është duke ndaluar për turistë të gjitha vizitat në Distriktin e Dritave të Kuqe.

Kryeqyteti i Holandës po kufizon gjithashtu në 15 njerëz për grup, numrin e njerëzve të lejuar në turne me udhëzime në qendrën mesjetare të qytetit, e cila përfshin Distriktin e Dritave të Kuqe.

Ky ndalim hyn në fuqi nga 1 janari i vitit të ardhshëm, transmeton IndeksOnline.

“Ne nuk e konsiderojmë të përshtatshme që turistët të shikojnë shtrembër dhe me keqdashje punëtoret e seksit” tha nënkryetari i Bashkisë, Udo Kock.

“Ne po i ndalojmë turnetë që i bëjnë vizitorët përgjatë dritareve të punëtorëve të seksit, jo vetëm sepse duam të parandalojmë mbipopullimin në Distriktin e Dritave të Kuqit, por edhe pse nuk është respekt për punëtoret e seksit”.

Ai shtoi se nuk ishte më e përshtatshme për të “parë punëtorët e seksit si një tërheqje turistike”.

Më shumë se 1.000 grupe të organizuara cdo javë vizitojnë Oudekerksplein, qendra e Distriktit të Dritave të Kuqe, me një kulm prej 28 turne brenda ore gjatë mbrëmjes.

Ky distrikt është shtëpi e shumë bordeleve dhe dyqaneve erotike, por njëkohësisht është edhe një nga zonat më të vjetra në qytet.