Analisti Wahdatyar: Presidentja Osmani ishte e para që mirëpriti refugjatët, pasi talebanët pushtuan Afganistanin!

Analisti i njohur afgan, Hashim Wahdatyar ka lartësuar veprimet e presidentes së Republikës së Kosovës, për pritjen e refugjatëve afgan në Kosovë.

Në një postim në Twitter, ai ka shkruar se Osmani ka hapur rrugë që afganët të mirëpriten në shtetet e Evropës.

“Vjosa Osmani, Presidente e Kosovës. Në ditën kur talebanët pushtuan #Afganistanin , ajo ishte presidentja e parë që njoftoi pranimin e më shumë emigrantëve afganë. Presidenti Osmani po avokon për të sjellë më shumë refugjatë afganë në Evropë”, ka shkruar ai, transmeton Indeksonline

Vjosa Osmani, President of Kosovo.

On the day the Taliban took over #Afghanistan, she was the 1st president to announce accepting more Afghan migrants.

President Osmani is advocating to bring more Afghan refugees to Europe. pic.twitter.com/2tZ4zs7NV9

— Hashim Wahdatyar (@HashimWahdatyar) November 6, 2021

Kujtojmë se Kosova ka qenë ndër shtetet e para që i është përgjigjur pozitivisht kërkesës së SHBA-së për të strehuar afganët, të cilët kanë bashkëpunuar me forcat amerikane, pasi talibanët kanë marrë kontrollin e Afganistanit.

Qeveria e Shteteve të Bashkuara ka mbuluar të gjitha shpenzimet për afganët që ishin strehuar në vende të ndryshme të botës – përfshirë edhe në Kosovë. /Indeksonline/