Ancelotti: Modriq mund të luajë nesër dhe të mërkurën

Trajneri italian, Carlo Ancelotti ka qenë së fundi në një konferencë shtypi.

Ancelotti, lëvdoi mesfushorin Luka Modriq të cilin tha se mund të startojë që nga minuta e parë në dy ndeshjet e ardhshme të Real Madridit.

“Luka Modriq mund të luajë nesër dhe të mërkurën. Ai nuk ka probleme rikuperimi. Nuk jam i befasuar sepse e shoh se si përgatitet në stërvitje, ai është një shembull që lojtarët e rinj duhet të ndjekin”, u shpreh Ancelotti.

Reali, do të pres nesër Rayo Vallecanon në një miniderbi të Madridit, me ndeshjen që zhvillohet në “Santiago Bernabeu” në orën 16:15./IndeksOnline/