Andre Silva ribashkohet me Milanin

Andre Silva është rikthyer te Milani pas një sezoni i huazuar te Sevilla në La Liga.

Sulmuesi portugez është bashkuar me skuadrën në stërvitjen e parë para fillimit të sezonit të ri dhe udhëtimit në Amerikë.

23 vjeçari u bashkua me Milanin në vitin 2017 nga Porto për rreth 40 milionë euro, por në sezonin e parë shënoi vetëm dy gola.

Ai u huazua te Sevilla në sezonin e kaluar, ku në 27 ndeshje ka shënuar nëntë gola.

Trajneri i ri i Milanit, Marco Giampaolo është i interesuar të provoj kapacitetin e tij në parasezon dhe më pas të vendos nëse do ta mbaj apo jo.

Tekniku italian preferon lojën me dy sulmues dhe Silva mund të jetë i duhuri përkrah Piatek në sezonin e ri. /IndeksOnline/