15:30 / E Mërkurë, 08 Prill 2020

Andrea Bocelli do të performojë ‘live’ në katedralen e zbrazët ‘Duomo’ të Italisë

Si shumica e kishave edhe këtë Pashkë, Katedralja historike Duomo në Milano do të jetë e mbyllur për publikun për shkak të pandemisë koronavirus.

Por mbi zbrazëtirat e së dielës, zëri i këngëtarit të famshëm të operas Andrea Bocelli do të bëjë jehonë nëpër katedrale gjatë një koncerti të veçantë pa audiencë, i cili do të jetë në transmetim të drejtpërdrejt.

Koncerti, i titulluar “Bocelli: Music for Hope”, do të transmetohet në kanalin e YouTube të Bocellit në orën 7 të mëngjesit në Itali.

Tenori italian do të shoqërohet vetëm nga organizatori i katedrales, Emanuele Vianelli. Ai është planifikuar të performojë pjesë të shenjta si “Ave Maria” dhe “Sancta Maria”, tha Universal Music Group në një njoftim për media.

I ndarë nga koncerti i Pashkëve, fondacioni i muzikantit ka mbledhur më shumë se 140,000 dollarë për spitalet në vendlindjen e tij në Itali, i cili është goditur shumë nga pandemia e koronavirusit . Ai gjithashtu është planifikuar të interpretojë në koncertin e bamirësi “Një botë: Së bashku në shtëpi” më 18 prill.

Bocelli tha pavarësisht besimit, ai shpreson që koncerti i së dielës do të sjellë së bashku miliona duartrokitje  kudo në botë./Indeksonline/