Andrea Pirlo shkarkohet nga posti i trajnerit
Legjenda italiane, Andrea Pirlo, është shkarkuar nga pozita e trajnerit të skuadrës Fatih Karagumruk.
Lajmin e ka bërë të ditur klubi turk përmes një njoftimi në faqen zyrtare, shkruan IndeksOnline.
Fatih Karagumruk ka edhe tre ndeshje deri në fund të kampionatit dhe renditet në vendin e nëntë në tabelë.
“Ne kemi vendosur të mos vazhdojmë më bashkëpunimin me zotin Pirlo sezonin e ardhshëm dhe i dhamë leje që të largohej nga klubi menjëherë për të na lejuar të planifikojmë të ardhmen. Jemi të kënaqur me kohën e kaluar së bashku, e falënderojmë dhe i urojmë më të mirat për të ardhmen”, thuhet në komunikatën e Fatih Karagumruk.”/IndeksOnline/