Arb Manaj shkëlqen në turqi, shënon dy gola

Ish-futbollisti i Trepçës’89, Arb Manaj, i cili gjatë afatit kalimtar të verdës kaloi në Turqi, ka arritur të realizojë dy golat e parë për skuadrën e tij të re.

Ankara Keçiorengucu ka mposhtur me rezultat bindës 6-0 ndaj Tepecik në kuadër të kupës turke.

Djaloshi nga Klina shënoi dy herë në minutat 70′ dhe 90′, për të treguar se do të jetë një nga armët më të forta të skuadrës nga kryeqyteti në edicionin e ri të garave.

Kjo ishte vetëm paraqitja e dytë titullar e Manajt, në skuadrën në të cilën aktivizohen edhe dy futbollistët e tjerë shqiptarë, Ilir Mustafa dhe Edon Hasani.