Arbenita dhe Fero i japin fund beqarisë, martohen fshehurazi

Fero dhe Arbenita i kanë dhënë fund beqarisë. Reperi dhe modelja e njohur janë përfolur prej kohësh për lidhjet dhe ndarjet e tyre, por mesa duket kësaj herë përfliten për një vendim shumë të rëndësishëm.

Mesa duket çifti është martuar në fshehtësi të plotë dhe ka vendosur që ta mbajë sekret për aq sa mundet ceremoninë. Lajmin e kanë bërë me dije burime për “Prive”, të cilët kanë rrëfyer se Fero dhe Arbenita e kanë kurorëzuar dashurinë e tyre në martesë dhe këtë e dinë vetëm familjarët dhe një rreth shumë i ngushtë i miqve.

Mesa duket të dy kanë vendosur që të kurorëzojnë lidhjen e tyre dhe pavarësisht fjalëve që po qarkullojnë kanë zgjedhur që mos ta komentojnë ceremoninë.