Arbër Ismaili – Zgjidhja më e mirë për Gjilanin

Shkruan: Naser Rugova

Nga Deçani i Sali Çekaj në Gjilanin e Agim Ramadanit!

Arbër Ismaili – Zgjidhja më e mirë për Gjilanin

Arbër Ismaili përfaqëson gjeneratën e re të lidershipit qytetar. I rritur me frymën e Forumit Rinor të LDK-së, ai vjen nga një familje atdhetare dhe intelektuale që për dekada kanë kontribuar në arsim, kulturë dhe në jetën publike të qytetit të Gjilanit.

Si jurist me profesion, me përvojë të pasur në administratë dhe menaxhimin e pushtetit lokal, Arbëri është dëshmuar si një nga menaxherët më efikas në shërbimet publike. Ai është njeri i afërt me qytetarët, praktik në qasje, vizionar në mendim dhe i vendosur për ta çuar përpara Gjilanin.

Sot, si nënkryetar i Degës së LDK-së në Gjilan dhe si veprimtar i palodhur, Arbër Ismaili është figura që mishëron më së miri besimin, përkushtimin dhe përgjegjësinë për qytetin e Gjilanit.

Me Arbër Ismailin, Gjilani fiton një kryetar që e njeh nga afër jetën e qytetarëve, i dëgjon shqetësimet e tyre dhe ka guximin të sjellë ndryshim të vërtetë.

Ai është zëri i rinisë, qytetarisë, garancia e transparencës dhe siguria e një qeverisjeje të përgjegjshme që i duhet dhe e meriton kryeqyteti i Anamoravës.

Me Arbërin për Gjilanin!