Arbëria drejt mbijetesës, Drita e Ballkani vazhdojnë luftën për Evropë

Arbëria është në rrugë të mbarë për të siguruar mbijetesën në Superligë.

Skuadra nga Lipjani ka mposhtur Llapin me rezultat 3-2 në javën e parafundit të kampionatit të Kosovës.

Në anën tjetër, Trepça ’89 është mposhtur nga Ballkani me rezultat 3-2, shkruan Indeksonline.

Drita ka mposhtur Drenicën 0-3 dhe deri në javën e fundit do të ketë punë me Ballkanin për vendin e dytë.

Prishtina është e para me 78 pikë derisa sot është bërë zyrtarisht kampion i Kosovës.

Drita e dyta me 73 pikë dhe Ballkani e treta me 71 pikë do të mësojnë fatin e tyre evropian në javën e fundit.

Trepça ’89 në vendin e parafundit me 37 pikë, Arbëria me 40 pikë dhe Feronikeli me 41 pikë do të luftojnë për mbijetesë. /IndeksOnline/