Armina dhe Kim kanë të njëjtën shije, por shqiptarja i veshi e para

Kim Kardashian publikoi sot një galeri me foto, e veshur me një fustan të zi dhe dukej në super formë, por prisni pak.

Të njëjtin fustan më përpara e ka veshur një shqiptare. Dhe bëhet fjalë për blogeren e cila gjithmonë ka dalluar me stilin e saj, Armina Mevlanin dhe që prej vitesh njihet si një nga blogeret më të suksesshme.

Armina postoi në Instagram një foto ku shkruante se e ka veshur e para këtë fustan e më pas tregonte postimin e Kimit.

“Dhe falë krijimeve magjike të Rick Owens”-shkroi Armina krah fotove ku shfaqej shumë elegante me fustanin e zi, me një të çarë në fund. Fustani nga stilisti Rick Owens shkon 371 euro.

Kjo nuk është hera e parë që Armina vesh të njëjtin fustan para Kimit sepse kështu ka ndodhur edhe me fustanin me printe zebre që blogerja veshi vitin e kaluar.