Arrestimi i kameramanit në Suharekë, reagon Sindikata e Policisë së Kosovës

Sindikata e Policisë së Kosovës ka reaguar pas arrestimit të kameramanit të portalit EkonomiaOnline në Suharekë sot, gjatë percjelljes së një ngjarjeje.

Sipas Sindikatës, Policia nuk ka qenë dhe nuk do të jetë kundër fajlës së lirë, teksa deri te arrestimi i kameramanit ka ardhur pasi i njëjti nuk ka zbatuar urdhrat e zyrtarëve policorë.

Ky është reagimi i plotë i Sindikatës:

Policia e Kosovës nuk ka qenë, nuk është dhe nuk do jet asnjëherë kundër fjalë së lirë

Policia e Kosovës gjithmonë vepron konform udhëzimeve ligjore duke mbrojtur dhe siguruar ambientë të qetë e të sigurt për të gjithë.

Sot me datë 03.02.2022, Policia e Kosovës e Rajonit të Prizrenit gjatë realizimit të një plani operativ, në asistencë të AKP-së, kanë arrestuar një person i cili nuk ka zbatuar urdhërat e zyrtarëve policor për të liruar ambientin ku vepronin.

Pas këtyre veprimeve ligjore, duke qenë në zbatim të urdhërave operativ, padrejtësisht suspendohen dy zyrtarë policor dhe inicohet procedurë disiplinore ndaj pesë zyrtarëve tjerë.

Me këtë rast, Sindikata e Policisë së Kosovës, kërkon nga të gjitha organet e hetimeve që të mos ndikohen nga askush dhe as nga mediat për të ulur kredibilitetin e Policisë së Kosovës.

Policia e Kosovës është institucioni i vetëm që bënë sigurinë e të gjithëve dhe nëse vazhdohet kështu atëherë nuk na mbetet tjetër vetëm të protestojmë kundër padrejtësive që po na bëhen!

Sindikata e Policisë së Kosovës do qëndroj në mbrojtje të të gjithë pjesëtarëve të policisë edhe juridikisht duke monitoruar çdo hetim ndaj tyre!