Arrestohen 2 shqiptarë në Greqi, u sekuestrohet 105 kilogramë kokainë

Policia greke ka kapur dy shqiptarë dhe një kroat me 105 kilogramë kokainë si edhe me një sasi të madhe parash të thata, të cilat paraprakisht përllogariten si 500-600 mijë euro.

Lajmi u bë i ditur nga ministri i Mbrojtjes së Qytetarëve i Greqisë, Michalis Chrysochoidis, ndërsa autoritetet bëjnë me dije se sasia e madhe e drogës u kap në një apartament në zonën e Brahamit në Athinë, përcjell abcnews.al.

Droga ishte fshehur brenda sobës dhe disa kutive të posaçme të mbushura me rërë.

Autoritetet greke pritet të bëjnë publike informacione të tjera në lidhje me këtë operacion gjatë ditës.