Arrestohen dy persona në Leposaviq, po kontrabandonin mallra përmes rrugëve ilegale

Dy meshkuj kosovarë kanë përfunduar në pranga pasditën e djeshme pasi janë hasur nga policia duke hyrë në territorin e Republikës së Kosovës, përmes rrugëve ilegale.

Rasti ka ndodhur në Joshanicë të Leposaviqit.

Sipas policisë, të dyshuarve u janë kontrolluar veturat me të cilat po hynin ilegalisht në vend dhe janë gjetur sasi të konsiderushme të mallit të kontrabanduar.

Tek i dyshuari i parë, gjatë kontrollit të veturës janë gjetur kryesisht pije alkoolike.

Ndërsa, tek i dyshuari i dytë janë gjetur gjëra ushqimore.

Të dy automjetet me mallra janë dërguar në terminalin doganor.

Me vendim të prokurorit, të dyshuarit janë liruar në procedurë të rregullt.