Arrestohen dy persona që krijuan grupin në ‘Viber’ për të treguar vendndodhjet e Policisë

Policia e Kosovës ka arrestuar dy persona të cilët kanë krijuar një grup në Viber dhe në të ishin të anëtarësuar rreth 7000 persona.

Ata kishin shpërndarë njoftime rreth vendndodhjes dhe lëvizjet e Policisë.

“Njësiti i hetimeve ka ndaluar dy të dyshuar meshkuj K/shqiptarë, të cilët kanë krijuar një grup në Viber dhe në të ishin të anëtarësuar rreth 7000 persona të cilët kanë shpërnda njoftime rreth vendndodhjes dhe lëvizjet e Policisë”, thuhet në raportin e Policisë.

Nga të dyshuarit, janë konfiskuar dy telefona të mençur dhe me urdhër të prokurorit pas intervistimit janë liruar në procedurë të rregullt./Indeksonline/