Arrestohen dy shqiptarë pjesë e një grupi kriminal
Një operacion i policisë italiane i koduar “Il Casolare”, i nisur në shtator të vitit të kaluar, ka përfunduar me arrestimin e dy personave. Këto të fundit ishin anëtarët e fundit të një grupi kriminal që merrej me shpërndarjen e lëndëve narkotike.
Sipas mediave italiane, grupi furnizonte me kokainë konsumatorët në Arezzo. Ndërkohë policia ka njoftuar se pjesë e bandës ishin:
-Erald Avduli, lindur në Berat, 26 vjeç,
-Aurel Braho, 43 vjeç,
-Enkelejd Saliu, lindur në Fier, 28 vjeç,
-Artur Shabanaj, Lindur në Fier, 32 vjeç, si dhe një shqiptar tjetër me iniciale H. L., 27 vjeç.
Dy të arrestuarit e fundit janë Avduli dhe Braho, të cilët janë dënuar me nga 8 vite burgim për trafik droge.
Më 30 nëntor 2016, policia në Arrezo gjeti 6 pako kokainë të pastër e fshehur në një fermë të braktisur në afërsi të varrezave në Cortona Creti.
Në atë kohë, hetuesit arritën të zbulonin tre shqiptarët Saliaj, Shabanaj dhe H.L, dhe brenda pak kohësh u rindërtua rrjeti i shitjes së kokainës. Rezultatet e hetimit përfunduan më 19 shtator 2017.