Arrestohet bashkëshorti i kryetares së Dhomës së Përfaqësuesve në SHBA, Nancy Pelosi
![](https://indeksonline.net/wp-content/uploads/2022/05/ujjjj.jpg)
Arrestohet bashkëshorti i Nancy Pelosit, Kryetares së Dhomës së Përfaqësuesve në SHBA.
Ai u arrestua në Kaliforni gjatë orëve të vona të mbrëmjes të së shtunës pasi u kap duke drejtuar automjetin në gjendje të dehur.
Paul Pelosi, 82 vjeç, u kap pak para mesnatës në Napa County, Kaliforni dhe u akuzua për drejtim mjeti nën ndikim të alkoolit, me një nivel në gjak prej më të lartë se 0.08.
Lirimi me kusht i Pelosit u caktua në këmbim të 5,000 dollarë.
Mediat amerikane raportojnë se detajet rreth incidentit nuk janë tërësisht të zbardhura dhe nuk dijet ende nëse 82-vjeçari ka qenë duke vozitur i vetëm apo jo në momentin që u arrestua.
Policia ka refuzuar të komentojë për mediat ngjarjen.
Kujtojmë se Paul është bashkëshorti i Nancy Pelosit që nga viti 1963.