09:13 / E Martë, 24 Shkurt 2026 / OSH
Arrestohet dileri turk në Morinë, po kërkohej nga Austria
Shërbimet e Policisë Kufitare Morinë, në bashkëpunim me shërbimet e DVP Kukës, kapën në hyrje të Shqipërisë shtetasin turk. V. B.
31 vjeç, banues në Stamboll ishte shpallur në kërkim ndërkombëtar, pasi Gjykata e Vjenës ka vendosur ndaj tij masën e sigurisë “Arrest në burg” për veprën penale “Prodhim dhe shitje e narkotikëve”.
Interpol Tirana, në bashkëpunim me homologët në Austri, vijon procedurat për ekstradimin e 31-vjeçarit./Indeksonline/
