Arrestohet mitrovicasi që s’dëgjoi urdhrin e policisë për të mbyll lokalin

Në orët e mesnatës  së datës  20 qershor 2019, Policia në Mitrovicë ka arrestuar një person të dyshuar për ‘pengim të zyrtarëve policorë në kryerje të detyrës zyrtare’.

Arrestimi i të dyshuarit  është bërë në kohën kur zyrtarët policorë kishin urdhëruar pronarin e një lokali që të ndalë muzikën dhe të mbyllë lokalin, me ç’ rast i dyshuari përveç mospërfilljes së urdhrave të ligjshëm kishte penguar zyrtarët policorë në kryerje të detyrave zyrtare .

Pas procedurave intervistuese, me urdhër të prokurorit të rastit  të dyshuarit  A. J., 49 vjeçar, i është  shqiptuar masa e ndalimit policor.

Ndaj tij është iniciuar rasti për ‘pengim të personit zyrtar në kryerje të detyrës zyrtare’. /Indeksonline/