Arrestohet një 23 vjeçar në Mitrovicë, barte armë pa leje në veturë

Policia e Kosovës, Stacioni në Mitrovicë, ka arritur të arrestoj një person i cili po barte armë pa leje në veturën e tij bashkë me 5 fishekë.

Në lidhje me këtë rast, Indeksonline ka kontaktuar me Zëdhënësin e Policisë së Kosovës për Mitrovicë, Avni Zahiti.

“Mbi bazën e informacioneve dhe dyshime të arsyeshme  për posedim ilegal të armës, zyrtarët policor  në kuadër të Stacionit Policor Jugu në Mitrovicë, për një kohë të shkurtë kane arritur të identifikojnë dhe lokalizojnë veturën e të dyshuarit me çrast gjatë kontrollit të detajuar brenda veturës është gjetur dhe sekuestruar një armë e llojit pistoletë me pesë fishek, për të cilën i dyshuari nuk posedonte leje për armë.”

Sekuestrimi i armës  është realizuar në orët e pasdites së sotme  në rrugën Mbretëresha Teutë në Mitrovicën e jugut”

“Lidhur me rastin në cilësi të të dyshuarit është intervistuar i dyshuari D. H., 23 vjeçar, shtetas i Republikës së Kosovës.”

“Ndërsa pas intervistimit  me urdhër të prokurorit të rastit  i dyshuari  është ë  liruar në procedurë të rregullt  dhe ndaj tij është iniciuar rast për veprën penale  ,,Mbajtje ne pronësi, posedim dhe kontroll të paautorizuar të armëve”, u shprehë ai./Indeksonline/