Arrestohet një person i dyshuar për posedim të drogës

Policia në Mitrovicën e Jugut, në orët e mesditës së sotme kanë arrestuar një person të dyshuar për veprën penale: “Posedim i paautorizuar e narkotikëve, substancave psikotrope dhe analoge”.

Arrestimi i të dyshuarit është realizuar në rrugën “Pajazit Boletini” në Mitrovicën e Jugut, ku gjatë kontrollit, tek i dyshuari në posedim janë gjetur dhe sekuestruar 10 qese me substancë të dyshuar narkotike, me peshë të përgjithshme prej 11.1 gram.

Me aktvendim të prokurorit të dyshuarit i është caktuar masa e ndalimit policor.