Arrestohet një person në Ferizaj, iu gjet drogë në veturë dhe në shtëpi

Një person është arrestuar mbrëmjen e së martës në rrugën “Brahim Ademi” në Ferizaj, nën dyshimin për posedim të paautorizuar të substancave narkotike.

Sipas raportit policor, më 3 shkurt 2026 rreth orës 19:15, gjatë kontrollit të automjetit dhe më pas të shtëpisë së të dyshuarit mashkull kosovar, janë gjetur dhe konfiskuar 215.5 gramë substancë e dyshuar narkotike e llojit marihuanë.

Si prova materiale policia ka sekuestruar: një veturë me targa vendore dhe dy telefona mobilë.

Me vendim të prokurorit, i dyshuari është dërguar në mbajtje, ndërsa rasti po hetohet nga organet kompetente./IndeksOnline/