Arrestohet një person në Pejë, në shtëpinë e tij konfiskohen armë
Policia e Kosovës, konkretisht Njësiti i hetimeve i Stacionit policor në Pejë, asistuar edhe nga njësite të tjera të Drejtorisë Rajonale të Policisë Pejë, më 21.01.2020, kanë zbatuar urdhër-kontrollin e Gjykatës Themelore në Pejë.
Gjatë kontrollit të shtëpisë së personit të dyshuar, M. P. i lindur me 1961 m.k.sh, janë gjetur dhe janë konfiskuar:
• një (1) pushkë gjysmë automatike M47
• një (1) pushkë ajrore
• një (1) pistoletë me gaz
• një (1) armë e gjatë e dëmtuar
• një (1) tytë e armës automatike e dëmtuar
• dy (2) pjesë të armëve të gjata
• katërmbëdhjetë (14) fishekë
I dyshuari është arrestuar dhe është intervistuar nga hetuesit e Stacionit policor në Pejë, për të vazhduar procedurat e mëtejshme ligjore, thuhet në njoftimin për mediat./Indeksonline/